Зәй футболчылары Татарстан беренчелеге өчен көрәшә
Зәйнең “Энергия” стадионында футбол буенча Татарстан беренчелегенә төрле яшь категорияләре командалары арасында уеннар үтте.
9 июньдә 2017 елда туганнар командалары арасында футбол буенча Татарстан Республикасы беренчелеге кысаларында Зәйнең “Барс”ы белән Түбән Каманың “Шинник 2” командалары очрашты. Киеренке уен 3:2 исәбе белән “Барс” уенчылары файдасына тәмамланды.
11 июньдә биредә 2015-2016 елгы «С» дивизионы балалар командалары арасында футбол буенча Татарстан Республикасы беренчелегендә уеннар үтте. “Барс” (Зәй) Яңа Чишмә районы командасына каршы уйнады. Уен 1:0 исәбенә “Барс” командасы файдасына төгәлләнде, ә “Аксу” (Аксубай) белән уен 2:4 исәбенә зәйлеләр җиңүе белән тәмамланды. Ә менә соңгы уенда Зәй футболчылары нурлатлыларга 0:6 исәбенә оттырды.
фото спорт идарәсеннән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев