Аның автомобиле махсус стоянкага озатылган.
29 июльдә Зәйдә дәүләт автоинспекциясе хезмәткәрләре «Тоннель» профилактик операциясе үткәрделәр. Аның максаты - юл-транспорт һәлакәтләрен кисәтү һәм юлларда тәртип булдыру.
Берничә сәгать эшләү дәверендә инспекторлар күп кенә хокук бозуларны теркәгән. Автомобиль белән алкоголь кулланган хәлдә идарә итүче машина йөртүче ачыкланган – аның транспорт чарасын махсус стоянкага озатканнар. Моннан тыш, куркынычсызлык каешын эләктермәгән ике очрак теркәлгән. Тагын бер йөртүче балаларны йөртү кагыйдәләрен бозган, ә икенче автомобильдә законсыз тонировка тапканнар. Барлык хокук бозучыларга административ штрафлар билгеләнгән.
Дәүләт автоинспекциясендә ассызыклаганча: юл йөрү кагыйдәләрен төгәл үтәү – юлда куркынычсызлык нигезе һәм хәрәкәттә катнашучыларның гомерен һәм сәламәтлеген саклап калу ысулы.
Фото район автоинспекциясеннән.
Нет комментариев