Сәвәләйнең мәктәп яны лагеренда велосипедларны тикшерделәр

Белгеч балалар велосипедларына техник карау үткәрде. 

“Без велосипедларның төзеклеген күзәтәбез. Чөнки лагерьларга “тимер атлар” белән килүче балалар күп. Ә аларның иминлеге өчен хәрәкәт итү чараларының төзек булуы бик мөһим. Тормозларының тотуын, яктылыкны кире кайтаручы элементларның булуын, фонарь, звонокларның эшләвен карыйбыз”, - диде Вадим Иванов. 

Балалар белән бергәләп  тормозларның төзеклеген бәяләделәр. Велосипедта яктылык кайтаргычларның булуын һәм чисталыгын барладылар. Велосипедларның гомуми торышын бәяләделәр. Әлеге чара балаларның юлда үз-үзләрен тоту кагыйдәләрен искә төшерү һәм хәвеф-хәтәрләрне булдырмау максаты белән оештырылды.

фотолар "Юл хәрәкәте куркынычсызлыгы" оешмасыннан.