Юлларда иминлекне бергәләп саклыйк

“Уймак кыз” балалар бакчасының “Кыңгырау чәчәк” төркемендә тәрбияләнүчеләр – “Беренчеләр хәрәкәте”дә катнашучы балалар. Шушы көннәрдә алар   шәһәр урамнарына чыктылар. Юлдан баручы өлкәннәргә  һәм кечкенәләргә юл йөрү кагыйдәләрен төгәл үтәргә кирәклеген исләренә төшерделәр.

Юл иминлегенә багышланган плакатлар белән җәяүлеләр алдында чыгыш ясадылар. Кагыйдәләр язылган белешмәлекләр таратттылар. Аларның максаты бер – юлларда бергәләп тәртип һәм иминлек булдыру. 

фотолар балалар бакчасыннан