Татарстан Хөкүмәтенең Юл хәрәкәте иминлеген тәэмин итү комиссиясе оешмалар йөртүчеләренең хәрәкәт кагыйдәләрен ни дәрәҗәдә үтәүләре буенча яңа исемлек төзеде. Анда 86 компания, шуларның икесе – Зәй районыннан.
Комиссия 2026 елның 7 ае өчен йомгак ясады. «Кара исемлеккә» 86 юридик зат кергән. Зәй районында хокук бозучылар исемлегенә ике компания эләккән:
«ТРАНСХИМРЕСУРС» ҖЧҖ — 272 очрак,
«ТОК ЭЛЕКТРОТЕХНИЧЕСКИЕ МАТЕРИАЛЫ» ҖЧҖ — 62 очрак.
Бу күрсәткечләр төбәк буенча уртача күрсәткечләрдән шактый югары.
Республика комиссиясендә бу мәгълүматны бастырып чыгару профилактик характерда икәнен билгеләп үттеләр. Юридик затлар руль артындагы үз хезмәткәрләре өчен югары дәрәҗәдә җаваплы. Коммерция транспортына һәм эре габаритлы транспортка аерым игътибар бирелә, чөнки алар юл хәрәкәтендә катнашучылар өчен аеруча куркыныч. Компания җитәкчеләренә йөртүчеләрнең дисциплинасын контрольдә тотуны көчәйтергә тәкъдим ителде.
Шул ук вакытта Эчке эшләр министрлыгының Дәүләт автоинспекциясе мәгълүматларына караганда, ел башыннан республика юлларында 1663 юл-транспорт һәлакәте теркәлгән. 183 кеше һәлак булган, 2021 кеше яраланган. Бу саннар юллардагы тәртипнең мөһимлеген ачык күрсәтә.
Мәгълүмат Юл хәрәкәте иминлеген тәэмин итү буенча Татарстан Республикасы Хөкүмәт комиссиясе тарафыннан бирелде.
фото Татар-информ
Нет комментариев