Уку елы башланды: балаларның иминлеге – беренче урында

Бу көнне  Зәй дәүләт автоинспекциясе хезмәткәрләре дә  читтә калмады,  юлдагы куркынычсызлык турында искә төшерү өчен Сәвәләй урта мәктәбендә булдылар. 

Укучыларны, аларның ата-аналарын һәм педагогларны яңа уку елы башлану белән Зәй  Дәүләт автоинспекциясе бүлеге башлыгы Рамил Гарифуллин һәм «Юл куркынычсызлыгы»  фонды җитәкчесе Вадим Иванов тәбрикләде. 

Бу көнне юл хәрәкәтендә иң яшь катнашучыларга — беренче сыйныф укучыларына аерым игътибар бирелде. 

Аларга  яктылыкны кире кайтара торган портфельләр тапшырылды.

-Бу заманча букчалар  уңайлы гына түгел, ә баланы тәүлекнең караңгы вакытында һәм начар күрү шартларында машина йөртүчеләр өчен сизелерлек итә, – ди юл белгечләре.  

Зәй районы Дәүләт автоинспекциясе коллективы барлык укучыларга имин юллар, яхшы билгеләр һәм уңышлы уку елы тели! Белемгә юл бәхетле һәм куркынычсыз булсын. 

фото «Юл куркынычсызлыгы» ДБУнән