Зәйдән «Газель» машинасында хәрбиләргә чираттагы гуманитар ярдәм илтелде

«Газель» машинасында шәһәр-районда яшәүчеләр көче белән хәрбиләргә җыелган иң кирәкле әйберләр урын алды. Болар — блиндажларны ныгыту өчен такталар, «Багги» һәм «Нива» автомобильләре өчен тәгәрмәчләр, 160ка якын маскировка челтәре, җылы одеяллар һәм киемнәр, тиз әзерләнә торган продуктлар, исемле посылкалар һәм башкалар.

«Бу юлы без сугышчылар өчен медикаментларның зур партиясен җибәрдек, анда барысы да керде — бинтлар да, дарулар да, шприцлар да... Зәй хәрбие өчен мотоцикл сатып алдык. Актив рәвештә акча биргән, маскировка челтәрләре үрергә ярдәм иткән битараф булмаган зәйлеләргә рәхмәт», — ди «Zаинск с Vами» волонтерлар төркеме Елена Хисаметдинова. 

Гуманитар йөкне «Сугышчан дуслык» иҗтимагый оешмасының Зәй бүлеге җитәкчесе Сергей Хватков,  волонтерларның зур ярдәмчесе Кузьма Абрамов озата барды. Бу — халык акчасына алынган «Газель» машинасында хәрбиләргә җибәрелгән унынчы гуманитар йөк.