Зәй укучылары Бөек Ватан сугышы ветераны йорты янындагы территорияне кардан чистарттылар

10 февральдә 2нче мәктәп укучылары тәрбия буенча директор киңәшчесе белән «Кар десанты» Бөтенроссия акциясенә кушылдылар. Балалар көрәкләр белән коралланып Бөек Ватан сугышы Ветераны Леонид Яковлевич Мачтаков йортына юнәлделәр һәм тиз арада йорт яны территориясен кар көртләреннән чистарттылар.

«Кар десанты" акциясе үсеп килүче буын өчен хезмәт тәрбиясе булу өстенә  Бөек Ватан сугышында Җиңүне якынайткан буынга батырлык һәм хөрмәт күрсәтү үрнәге дә.