Зәй районы Карман авылы халкы хәрбиләргә ярдәм итүен дәвам итә

Җирле халык бердәм төстә  махсус хәрби операциядә катнашучылар өчен кирәкле әйберләр җыя һәм сатып ала, маскировка челтәрләре үрә. 

23-25 июньдә активистлар алгы сызыкта көрәшүчеләрнең гомерләрен саклау өчен бик мөһим булган 8  маскировка челтәре үреп, гуманитар йөк белән фронтка озаттылар. Моннан тыш, эчке кием тегү өчен тукымалар, башка  кирәк-яраклар җыелды.

Игелекле эшкә балалар һәм яшүсмерләрнең кушылуы аеруча дулкынландыргыч.

“Үзебезнекеләрне ташламыйбыз” акциясе — ул ярдәм җыю гына түгел, Зәй районы халкының бердәмлеген һәм йөрәк җылысын чагылдыра. Оештыручылар читтә калмаганнарга рәхмәт белдерә һәм бүген алгы сызыкта булганнарга ярдәм итүне дәвам итәргә чакыра.

фотолар авыл җирлегеннән.