Сармашбашның маскировка челтәрләре үрүче апалары хәрбиләргә җибәрергә шифалы үләннәр җыйды

Сармашбаш авылының киң күңелле волонтер апалары махсус хәрби операциядә катнашучы егетләрне саклау өчен маскировка челтәрләре дә үрә, шифалы чәйләр дә әзерли.

“Бу көн безнең өчен икеләтә күңелле һәм файдалы булды. Җәйнең нәкъ уртасында дару үләннәрен җыяр чак җитте дип, барыбыз бергә табигать кочагына юл тоттык. Игътибар белән карасаң, тирә-юнебез үләннәр дәрьясына күмелгән. Табигатьнең матурлыгы, байлыгы искиткеч. Маскировка челтәрләре үрүче апаларыбыз махсус хәрби операциядәге егетләребезгә киптереп җибәрергә мәтрүшкәләр, җиләк яфраклары, төрле үләннәр җыйдылар”, - ди Сармашбаш мәдәният йорты җитәкчесе Алсу Гыйниятуллина.

Чәйләр туган як табигатенең барлык шифасын, тәмен сеңдереп үскән үләннәрдән ясала.

“Егетләребез үлән чәе эчә-эчә туган якларын искә алсын. Тәмле, хуш исле чәйләр аларга шифа, туган якның җылысын биреп, күңелләрен дә җылытып торсын”, - дип челтәр үрүче апалар.

фотолар авыл җирлегеннән