Куш-Елга балалары махсус хәрби операциядә катнашучы абыйларына хатлар язды

Махсус хәрби операциядә хезмәт итүче егетләребез туган якларыннан һәрдаим җылы хәбәр көтәләр. Хәрбиләребез өчен туган җирдән һәр хәбәр дә җылытып, батырлыкка өндәүче көч булып тора.  

Бу балаларда патриотик рух, үз илеңне ярату хисләре тәрбияләү өчен дә бик мөһим.

“Балалар язган хатларны без  күңел җылыбызны кушып үргән маскировка челтәрләре эченә төреп җибәрәбез. Без аларны Зәйдәге волонтерларга тапшырачакбыз. Балаларга, мәдәният йорты җитәкчесе Зөлфия Имаметдиновага хатлары өчен зур рәхмәтләребезне җиткерәбез. Балаларның сәламе, теләкләре хәрбиләрнең күңелләрен бераз гына булса да күтәрер, җиңүгә ышанычларын арттырыр дигән теләктә калабыз”, - ди Куш-Елгада маскировка челтәрләре эшен оештыручы Гүзәл Гыйльфанова.

Фотолар авыл мәдәният йортыннан.