Эшмәкәр Зәй мәчетләренә район газетасын яздырды

Бу көннәрдә ул редакциябезгә килеп район газетасы “Зәй офыклары”н Мирный бистәсе һәм Икмәк кабул итү бистәләрендә урнашкан мәчетләргә яздырды. 

“Районыбыз республикада уңай эшләре, мәсьәләләрнең заманча чилеш юлларын табу, уңган кешеләре белән билгеле. Ә боларның барысы турында да район басмаларында тулы мәгълүмат бирелә. Мәчетләребезгә исә өлкән буын күп йөри, аларның район газеталарын алып укуларын, райондагы эшләрдән хәбәрдар булуларын теләп, газеталарны яздырдым. Укысыннар, мәгълүматлы булсыннар”, - ди эшмәкәр. 

Елена Нургаясовна “Доминант-инфо” оешмасы җитәкчесе, ул мондый изге, мәрхәмәтле гамәлләрдә һәрвакыт актив катнаша.

автор фотосы