Зәй укучылары китапханәдә буктрейлерлар төшереп карадылар

Бу көннәрдә Сөббух Рәфыйков исемендәге үзәк китапханәдә «Укыйм! Яшим! Яратам!» дип исемләнгән яшүсмерләр атналыгы барды. Аның кысаларында китапханәчеләр «Беренчеләр хәрәкәте» активистлары белән «Яшьләр һәм китап: бергәләп укыйбыз!» чарасын оештырдылар. Ул балалар һәм яшүсмерләр арасында укуны популярлаштыруга юнәлдерелгән күңелле һәм танып белү уеннары һәм конкурслардан гыйбәрәт булды.

Иң башта китапханә кунакларына экскурсиягә тәкъдим ителде, анда алар сәләтле зәйлеләр эшләре күргәзмәләре белән таныштылар, балалар һәм яшүсмерләр өчен махсус китаплар җыелмасын карадылар.

Аннары укучыларга ике командага бүленергә һәм әдәби акыл ярышында катнашырга тәкъдим иттеләр. Балалар «Әдәби ассорти» квизы барышында классик һәм заманча әдәбият өлкәсендәге белемнәрен күрсәттеләр. Өстәл уены уйнаганда, әдәбият геройларын таныдылар. Аннары, яраткан әсәрләре буенча буктрейлерлар төшергәндә, балалар вакытлыча актер һәм режиссер булдылар. Өстәвенә, һәрбер яшүсмер скрапбукинг стилендә яраткан китаплары өчен тышлык ясаганда үз фантазиясен күрсәтә алды.

Ирина Смирнова фотолары.