Зәй районында авыл фельдшерлары балаларны җәрәхәтләрдән сакланырга өйрәтә

Чара балалар травматизмын киметүгә һәм сабыйларны үз-үзләрен куркынычсыз тоту кагыйдәләренә өйрәтүгә юнәлдерелгән иде.

Ул балаларга җәрәхәтләрдән ничек сакланырга һәм үз сәламәтлекләрен ничек сакларга кирәклеге турында сөйләде. Балалар белгечне кызыксынып тыңладылар, ул ни өчен үткен предметлар белән уйнарга ярамаганлыгын, юлны ничек дөрес үтәргә һәм ни өчен өлкәннәрне тыңларга кирәклеген аңлатты. Альмира Фәретдинова, балалар куркынычсызлык кагыйдәләрен яхшырак үзләштерсен өчен, күрсәтмә материаллар һәм гади мисаллар кулланды.

— Балаларга кечкенәдән үк сак булырга өйрәтү бик мөһим, - диде фельдшер. - Күп кенә җәрәхәтләр игътибарсызлык яки элементар кагыйдәләрне белмәү аркасында килеп чыга. Безнең бурыч-балаларны куркыныч хәлләрдән качарга өйрәтү.

Сәламәтлек саклау министрлыгы акциясе юл-транспорт һәлакәтләре, көнкүреш җәрәхәтләре, агулану һәм башка бәхетсезлек очраклары кебек тышкы сәбәпләрдән үлемне киметүгә юнәлдерелгән. Балалар белән профилактик әңгәмәләр — бу юнәлештә мөһим адымнарның берсе, чөнки балачакта салынган гадәтләр гомерлеккә кала.

Бакча тәрбиячеләре Альмира Фәретдиновага файдалы һәм танып белү очрашуы өчен рәхмәт белдерделәр. Мондый чаралар балаларны җәрәхәтләрдән саклап кына калмыйча, аларның сәламәтлегенә карата җаваплы мөнәсәбәт формалаштыра.

фото авыл җирлегеннән.