Мошенниклар Зәйдә 85 яшьлек әбине алдап, 537190 сум акчасын алган

Узган атнада район эчке эшләр бүлегендә өч мошенниклык очрагы теркәлгән. Әлеге фактлар буенча җинаять эшләре кузгатылган, тикшерелә.

• 19 августта бүлеккә 85 яшьлек Зәйдә яшәүче хатын-кыз мөрәҗәгать иткән. Билгесез кеше сыйфатсыз медикаментлар өчен акча кайтарам дип, 537190 сум акчасын урлаган. 
• 15 июльдән 19 августка кадәр әлеге әби почта бүлегенә килеп, оператор аша кырыгалдарга акча күчергән.

–“Мошенниклык факты буенча җинаять эше ачылды, анда катнашы булган затларны ачыклау буенча оператив эзләү чаралары үткәрелә”, –  дип хәбәр итәләр полиция бүлегеннән.

17 августта җинаятьчеләрне эзләү бүлекчәсе хезмәткәрләре хәрби полиция хезмәткәрләре белән берлектә хәрби частьтан үз белдеге белән киткән 34 яшьлек Зәй кешесен тоткарлаган.