Узган атнада район эчке эшләр бүлегенә төрле хокук бозулар турында 87 хәбәр һәм гариза кергән.
Теркәлгән җинаятьләр арасында урлашу, мошенниклык очраклары бар. Бу чорда шәһәр-районда 6 юл-транспорт һәлакәте, юл хәрәкәте кагыйдәләрен бозуның 43 очрагы теркәлгән. Руль артына алкоголь кулланып утырган ике машина йөртүче тоткарланган.
5 мартта район эчке эшләр бүлегенә Зәйдә яшәүче бер ир-аттан 11-13 февральдә банк картасыннан 126 мең сум акчасын урлаулары турында гариза керә. Җинаятьчеләрне эзләү бүлекчәсе хезмәткәрләре тарафыннан акчаны зыян күрүченең кызы урлавы ачыклана.
«Хәзерге вакытта тикшерү эшләре бара», — дип хәбәр итә полиция хезмәткәрләре.
Нет комментариев