Балаларга хокуклар һәм бурычлар турында

Ул «Бурычлымын һәм хакым бар» дигән темага шәһәрнең 4нче мәктәбе VII А сыйныфы укучылары белән үткәрелде.

«Безнең илнең барлык гражданнары, балаларны да кертеп, хокукларга да, бурычларга да ия. Балалар үз хокуклары һәм, әлбәттә, бурычлары турында беләләр, әмма даими камилләшеп торган законнар турында һәрчак хәбәрдар булу яхшы. Чара барышында балалар „Баланың хокукый статусы“, „Мин синең хокукыңны хөрмәт итәм“, „Хокукларың яки бурычларың“ конкурсларында, уеннарында актив катнаштылар, хокукый викторина сорауларына җавап бирделәр. „Балалар хокуклары“ видеоролигын карадылар. Иң мөһиме балалар үзләре өчен бик күп яңа һәм кызыклы нәрсәләр белделәр», — ди баш китапханәче Зөлфия Гыйльманова.

фотолар үзәк китапханәдән.