Сабыйлар ГТО нормативлары тапшырды

Бу спорт бәйрәмендә «Урман әкияте», «Энҗе», «Салават күпере», «Кыңгырау чәчәк», «Якты коңгыз» һәм «Теремкәй» балалар бакчаларыннан командалар катнашты. Һәр командадан биш яшь спортчы чыгыш ясады.

Фестиваль дәвамында катнашучылар үзләренең җитезлекләрен, көчләрен һәм чыдамлыкларын күрсәттеләр, иң яхшылар исеме өчен ярыштылар. Киеренке һәм мавыктыргыч көрәштән соң җиңүчеләр билгеләнде:

1 урынны - "Салават күпере",  2 урынны - "Якты коңгыз",  3 урынны - "Урман әкияте" балалар бакчасы командалары алды.
Шәхси беренчелектә малайлардан Айнур Шиһапов – I, Әмир Әхмәтшин – II, Богдан Храмов -  III урынны алдылар. Кызлардан Таисия Нечаева  – I, Ксения Куприянова – II, Эльза Гаврилова -  III урынны яуладылар.

фотолар спорт идарәсеннән