Зәйдә язучы Гурий Тавлинны искә алу кичәсе узачак

24 ноябрьдә 13:00 сәгатьтә Зәйнең «Энергетик» Мәдәният сараенда язучы Гурий Тавлинның тууына 100 ел тулуга багышланган «Таулар моңы» дип исемләнгән искә алу кичәсе узачак.

Кичә барышында Гурий Тавлинның әсәрләреннән өзекләр укылачак, театральләштерелгән чыгышлар күрсәтеләчәк, язучының тормыш юлы һәм иҗатына багышланган җылы хатирәләр яңгыраячак.

Гурий Иванович Тавлин 1925 елның 25 декабрендә Зәй районы Урта Баграж авылында туган. Ул — Кызыл Байрак, Кызыл Йолдыз, II дәрәҗә Ватан сугышы орденнары белән бүләкләнгән, Татарстанның атказанган мәдәният хезмәткәре, Татарстан Язучылар берлеге әгъзасы.

Якташ язучыбызның рухи мирасы белән бәйле бу очрашуда барыгызны да көтеп калабыз!