Зәй укучылары – инглиз теленнән республика олимпиадасы призерлары
Зәй мәктәпләре укучылары бу көннәрдә республика фән олимпиадаларының йомгаклау турында катнаша.
Район мәгариф идарәсеннән хәбәр итүләренчә, инде төрле фәннәрдә уңышка ирешүчеләр бар.
Иң беренче фән олимпиадасы 10-13 гыйнварда Казанның «Дуслык» республика олимпиадасы үзәгендә инглиз теле буенча үтте. VII-XI сыйныфлар арасында узган «Олимпка юл» бәйгесендә 6нчы мәктәпнең XI сыйныф укучысы Айдар Сөләйманов, 3нче мәктәпнең X сыйныф укучысы Амалия Саттарова, 6нчы мәктәпнең VII сыйныф укучысы Радмир Мингалиев призерлар булдылар.
Укучыларны фән бәйгеләренә Роза Гыйлаева (6нчы мәктәп), Галина Емекеева (3нче мәктәп), Гөлшат Саттарова (6нчы мәктәп) әзерләделәр.
Следите за самым важным и интересным в Telegram-каналеТатмедиа
Нет комментариев