Зәй бакчасында махсус хәрби операциядә катнашучыларга ярдәм йөзеннән «Солдатка посылка» акциясе узды
Зәйнең «Якты коңгыз» балалар бакчасында тәрбияләнүчеләр әти-әниләре һәм педагоглар белән бергә хәрбиләргә гуманитар ярдәм җыйдылар һәм хатлар әзерләделәр.
Махсус хәрби операциядә катнашучыларга посылкалар әзерләү өчен бакчаның «Беренчеләр хәрәкәте» сынау төркемендәге балалар, аларның ата-аналары һәм учреждение хезмәткәрләре тәм-томнар, азык-төлек һәм беренчел кирәкле әйберләр җыйдылар.
Балаларның педагоглар белән бергә обереглар ясадылар, шулай ук җылы рәхмәт сүзләре язылган хатлар яздылар. Гуманитар ярдәмне махсус хәрби операция зонасына җибәрү өчен «Зәй сезнең белән» штабы волонтерларына тапшырдылар.
Волонтерлар балалар һәм ата-аналар өчен экскурсия уздырдылар, үз эшләре турында сөйләделәр һәм маскировка челтәрләрен ясау процессын күрсәттеләр. Балалар саклану костюмын киеп карый һәм фронтка ярдәм итү турында күбрәк белә алдылар.
Фотолар бакчадан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев