Югары Пәнәчедә укытучылар өчен кичә оештырдылар

Кичәдә мәктәп еллары, кызыклы вакыйгалар, Югары Пәнәче мәктәбендә эшләгән укытучыларны искә алдылар.

Бәйрәм чарасы кызыклы уеннарны үз эченә алган иде. «Бүләкле лотерея» , «Изге теләкләр агачы» уеннары һәр укытучы күңеленә хуш килде.

«Кичә барышында хәзерге укыту системасы, ата-аналар, укучылар, имтиханнар, уку йортлары турында да фикер алышынды.

Һәр укытучы мактауга һәм хөрмәткә лаек. Бала күңеленә ачкыч табу, тормыш өчен ныклы белемнәр бирү — җаваплы эш. Белемле, яңалыкка омтылучан укытучыларыбыз белән горурлана алабыз.

Авыр һәм мактаулы эшләрендә сабырлык, иҗади уңышлар, бәхет, саулык, кешелекле, тәртипле, белемле укучылар гына булуын телибез», — ди Югары Пәнәче мәдәният йорты директоры Илһамия Гарифуллина.

Кичәдә катнашучылар мондый матур очрашулар тагын насыйп булсын дигән теләктә таралыштылар.