Искетәкмәклеләр Бүре-Сарай өлкәннәре өчен игелек акциясе үткәрде
Иске Тәкмәк авылы мәдәният хезмәткәрләре «Игелекле эшләр башкар» акциясен оештырдылар.
Аларга авылның ветераннар советы рәисе Мария Михеева да кушылды.
«Без күрше Бүре-Сарай авылына барып, өлкән буын кешеләренә тирән ихтирам һәм кайгыртучанлык күрсәттек. Алар өчен „Игелек һәм хөрмәт визиты“ концерт программасы әзерләнде. Абый-апаларга сәламәтлек, имин тормыш теләп, аларның яшьлек җырларын җырладык», — ди китапханәче Валентина Киселева.
Соңыннан өлкәннәргә очрашу истәлеге итеп зур булмаса да, чын күңелдән әзерләгән бүләкләр тапшырылды. Ә өлкән кеше өчен иң яхшы бүләк — игътибар һәм яхшы кәеф.
фотолар Иске Тәкмәк китапханәсеннән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев