«Ел инженеры» конкурсына гаризалар кабул итү 25 ноябрьгә кадәр озайтылды
Бәйгедә югары уку йортлары студентлары, хезмәткәрләре һәм сәнәгать предприятиеләре эшчеләре катнаша ала, дип хәбәр итте ТР Сәнәгать һәм сәүдә министрлыгының Телеграм-каналы.
Конкурс өч яшь категориясендә уза: «Киләчәк инженерлары», «Яшьлек, уңыш, перспектива» һәм «Тәҗрибә, казанышлар, компетентлык», шулай ук 12 тармак номинациясе буенча. Быел «Робототехника, ясалма интеллект» яңа номинациясе өстәлде.
Конкурсның максаты – инженер һөнәренең абруен күтәрү, катнашучыларның югары һөнәри осталыкларын күрсәтү һәм иң яхшы эш тәҗрибәләрен үстерү. Конкурс үткәрелгән чорда анда Татарстанның 1,5 меңнән артык инженеры катнашкан.
Гаризалар 25 ноябрьгә кадәр конкурсның рәсми сайтында яки ТР Сәнәгать һәм сәүдә министрлыгының эш башкару һәм контроль бүлеге аша кәгазь вариантта кабул ителә. Тулырак мәгълүматны министрлык сайтында табарга мөмкин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев