Зәйнең “Каприз” балалар бию төркеме Санкт-Петербургтагы бәйгедә төрле номинацияләрдә 17 призлы урын алды

 Зәй балалар сәнгать мәктәбенең “Каприз” хореография коллективы талантлы педагог Роза Маркелова җитәкчелегендә Санкт-Петербург шәһәрендә “Невский проспект” балалар, яшүсмерләр һәм өлкәннәр иҗатының дәрәҗәле халыкара конкурс-фестивалендә чыгыш ясады. Масштаблы иҗади ярыш “Мир на ладони” мәдәният һәм мәгариф үсеше фонды ярдәме белән үткәрелде.

Сәфәрнең нәтиҗәсе чын җиңү йолдызлыгы булды. “Каприз”  копилкасында – халык һәм эстрада биюеннән алып классик биюләргә кадәр чыгышлар буенча  төрле номинацияләрдә беренче һәм икенче дәрәҗә лауреат 17 дипломы бар. Жюри массакүләм куелышларны да, тәрбияләнүчеләрнең ялгыз чыгышларын да югары бәяләгән.

“Каприз” коллективы – «Үрдәк бәбкәләре» биюе, «Будем Родине служить» патриотик композициясе һәм «Татарстанның хәзерге балалары» күмәк биюләр номерлары өчен һәм дуэтлар һәм солистлар арасында  Риана Сафина һәм Арина Кузнецова («Маша маҗарасы» биюе), Мария Лебедева («И взмахом рук, волшебное мгновение»), Анастасия Владимирова («Отыскать мечту»), Тимур Шишкин һәм Ксения Кузнецова («Моя Марусечка!"), Агата Апчаева (“Черноглазая  казачка”), Рамина Тимеркәева (“Рамина өчен бүләк”) һәм Ксения Кузнецова (“Минем арттан очыгыз")       I дәрәҗә лауреатлар исемен яуладылар.

Фестивальнең көмеш медале һәм II дәрәҗә лауреат исеме «Цыплячий бум» һәм  «На крыльях мира» номерлары өчен коллективка, шулай ук солистлар һәм дуэтлар Рамина Хафизова, Жасмин Мөхлисова һәм Арина Маланчева, Катарина Панферова, Влада Тавлинова һәм Мария Лебедева, Майя Матвеева һәм Азалия Хәсәнова составындагы триога бирелде.

Шунысы да бар конкурс программасы бай сәяхәтнең бер өлеше генә иде. Күп балалар өчен сәфәр Санкт-Петербург белән беренче танышу булды. Яшь артистлар зиннәтле Петергофта экскурсияләрдә булдылар һәм шәһәрнең кабатланмас атмосферасы белән илһамланып, Невадагы башка истәлекле урыннар буйлап йөрделәр.

– Мин ата – аналарга ярдәмнәре һәм мондый зур проектларда катнашу мөмкинлеге өчен чиксез рәхмәтлемен, бу балалар өчен кыйммәтле тәҗрибә, ул характерны чыныктыра һәм алга таба үсәргә этәргеч бирә. Әмма иң мөһиме – алар бөек шәһәр буйлап йөргәндә алган якты хисләр һәм тәэсирләр, - дип билгеләп үтте коллектив җитәкчесе Роза Маркелова.

фотолар бию коллективыннан