Пәлчикәүдә “Кече авыл көне” узды

“Үзенчәлекле бәйрәмнәр Зәй районының кече авылларында җәй дәвамында үткәрелә. Ул әлеге авылларда яшәүчеләрнең көндәлек тормышын бизәү, үзенчәлекле итүне күздә тотып оештырыла”, - ди район мәдәният йортының сәнгать җитәкчесе Зинаида Владимирова.

Бүгенге көндә Кече Пәлчикәү авылында 18 йортта 20 кеше яши. Әлеге авыл халкы җыр-моңга гашыйк. Мәдәният хезмәткәрләренә үзләре дә кушылып җырладылар, биеделәр дә.

Иске Пәлчикәүдә дә юбилейларын билгеләп үтүчеләрне,  авылның иң өлкән кешеләрен котладылар. Уллары махсус хәрби операциядә катнашучы әти-әниләр дә игътибарсыз калмады. 

- Бәйрәмдә авыл халкы күңел ачты, җырлады, биеде, уеннарда актив катнашты, - ди Зинаида Владимирова.

Соңыннан барысы бергәләп табын артында гапләшеп чәй эчте.

Фотолар район мәдәният йортыннан.