Зәйдә чисталык өмәләре башлана

Республикада, шул исәптән Зәйдә 1 апрельдән санитар-экологик икеайлык башлана. Ел саен үткәрелә торган “Чисталык акциясе” 31 майга кадәр дәвам итәчәк. Ел саен зур җыештыру эшләренә зәйлеләр дә актив кушыла. Эшне нәтиҗәле оештыру өчен башкарма комитет тарафыннан чаралар планы эшләнгән. Территорияләр бүленеп алар оешма-предприятие, учреждениеләргә беркетелгән. Икеайлык кысаларында урамнар, ишегалды биләмәләре, парк-скверлар, юл кырыйлары, елга буйлары, гараж һәм бакча ширкәтләре җыештырылачак. Тиешсез урыннарда барлыкка килгән чүплекләр юк ителәчәк.