Зәйлеләр Питрау бәйрәмендә ГТО биремнәрен дә үтәде

— Питрау бәйрәмендә халык үзен спорт уеннарында да бик теләп сыный, шуңа күрә без теләгән кешеләргә нормативларны тапшырып карау, комплекслар турында тулы мәгълүмат бирү мәйданчыгы да оештырдык, — ди нормативлар тапшыртуга җаваплы Регина Волкова.

Шул рәвешле ГТО нормативларын Питрау бәйрәмендә кулларда гәүдәне күтәрүдә һәм махсус эскәмиягә басып сыгылмалылыкны тикшерүдә сынарга мөмкин булды. Әлеге биремнәрне үтәргә теләүчеләр шактый иде.