Зәйле чаңгы ярышлары буенча Россия чемпионаты җиңүчесе
18 марттан 26 мартка кадәр Төмән шәһәрендә “Себер энҗесе” кышкы спорт төрләре үзәгендә чаңгы ярышлары буенча Россия чемпионаты уза.
Татарстан җыелма командасы составында Зәй шәһәре вәкилләре дә чыгыш ясый.
21 мартта 15 км дистанциядә ирекле стиль белән Антон Тимашов ярышлар лидеры Александр Большуновка 12 секунд оттырып, шул ук вакытта Алексей Черовоткин, Сергей Устюгов кебек күренекле спортчыларны узып, II урынны яулады.
22 мартта программада команда спринты булды. Биредә дә Антон Тимашов аерылып торды. Командасы буенча партнёры Иван Горбунов белән алар Александр Терентьев һәм Александр Большунов кебек лидерларга 1 секунд кына оттырып, II урынны алдылар.
Фото спорт идарәсеннән
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев