Зәйдән Николай Захаров – Бөтенроссия чаңгы марафоны призеры

Татарстан командасы составында анда Зәебездән ветеран спортчы Николай Захаров та катнашты. 500дән артык марафончы арасында 60 яшьтән өстә булганнардан безнең Николай дүртенче урын алды. Ярышларда элеккеге спорт мастерлары, илкүләм бәйгеләрдә җиңүләр яулаган атаклы спортчылар катнашуын искә алсак, безнең якташ соклангыч чыгыш ясаган.

50 км. араны үтү, әлбәттә, җиңелләрдән түгел, ә Николай Захаров Зәйнең Яңа шәһәр урманы буендагы чаңгы юлларын көн саен иртән һәм кичен урый, шуңа да ул ерак арага ярыш өчен чыныккан.

— Спортны бик яратам, без бит мәктәп елларыннан ук Федор Симашев кебек булырга ашкынып үскән егетләр. Шуңа да чаңгы ярышларында бик теләп катнашам, — дип елмая ул.

Николай Захаров 50 км. дистанцияне 2 сәгать 54 минутта үтеп үз шәхси рекордын куйган. Ә Татарстан командасы составындагылар иң күп призлы урыннарны алып җиңүче команда дип билгеләнгән.