Зәйдә предприятие-оешмалар командалары футбол уйный

Анда ГРЭС, «Зәй шикәре», «Техно», «Аккурайд Уилз Руссиа» заводлары, спорт идарәсе командалары көч сынашты.

«Спартакиада „Демография“ илкүләм проекты кысаларында халыкны сәламәт яшәү ревешенә тартуга юнәлтеп оештырыла. Шуңа да безнең завод хезмәткәрләре уеннарда актив катнашалар. Бу көндәлек эштән, мәшәкатьләрдән бераз аерылып торырга да мөмкинлек бирә. Чөнки без уеннарга кадәр тренировкалар да уздырабыз», — ди «Зәй шикәре» җәмгыятеннән Руслан Нургалин.

Уеннар нәтиҗәсе буенча, ГРЭС — беренче, «Техно» заводы командасы — икенче, «Аккурайд Уилз Руссиа» футболчылары — өченче булдылар.