Зәйдә өлкән хатын-кызлар «Күңелле стартлар» да ярышты
4 мартта «Старт» спорт-сәламәтләндерү комплексында өлкән яшьтәге хатын-кызлар арасында 8 Март — Халыкара хатын-кызлар көненә багышланган «Күңелле стартлар» спорт чарасы узды.
Чара 2025-2030 елларга Татарстан Республикасында «Актив озак яшәү» программасын гамәлгә ашыру кысаларында узды. Актив пенсионерлар командалары тизлек, җитезлек һәм төгәллек эстафеталарында көч сынаштылар.
«Шат күңелле һәм актив катнашучылар барлык каршылыкларны җиңел генә җиңеп чыктылар, чөнки аларның күбесе даими рәвештә дәвалау гимнастикасы дәресләренә йөри, физкультура, скандинавия йөреше, йөзү белән шөгыльләнә. Нәтиҗәдә дуслык җиңде, күңелле стартларда катнашучыларның барысы да татлы призлар белән бүләкләнде, ә иң мөһиме күтәренке кәеф һәм күтәренке рух алды», — ди эстафетаны оештыручы «Барс» спорт мәктәбе тренер-укытучысы Гөлназ Абдуллина.
Следите за самым важным и интересным в Telegram-каналеТатмедиа
Нет комментариев