Зәйдә чаңгычы-узышчылар арасында Татарстан беренчелегенә ярышлар башланды

27-29 августта  чаңгычылар  арасында  Татарстан җәйге   беренчелеге башланды. Республиканың  27 шәһәр-районыннан 454  спортчы килгән.   Бу юлы 12-17 яшькәчә яшүсмерләр көч сынашачак. Егет-кызларны район җитәкчелеге каршы алды. 

Бүген исә ярышларны тантаналы төстә ачтылар.  Спортчыларны район башлыгы исеменнән аның  урынбасары Петр Уразайкин сәламләде. Шулай ук Татарстан  чаңгы узышлары федерациясенең беренче вице-президенты  Алмаз Мәҗитов һәм башка бик күп мәртәбәле кунаклар катнашты. 

Ачылыш чарасында Олимпия чемпионы Ф.П. Симашев исемендәге спорт мәктәбенең  тренер-укытучысы  Рәкыйф Габидуллин  бүләкләнде. Аңа «ТР Атказанган физик культура хезмәткәре» дигән мактаулы исем бирелде.