Зәй ир-егетләре хоккей уенын ярата

Турнирны район башкарма комитеты җитәкчесе урынбасары Регина Камалова ачты.  Ул актив яшәү рәвеше алып баручыларга рәхмәт белдерде. 

Ветераннар “Аклар” һәм “Кызыллар” командаларына бүленеп уйнады. Беренчеләрдән булып “Аклар”  исәпне ачты, командадан голны Михаил Сапаев кертте. 
 

Командалар составында уйнаган Зәй ГРЭСЫ хезмәткәре Илдар Әхмәтшин, Геннадий Дмитриев, Юрий Токмашов, гадәттән тыш хәлләр министрлыгы хезмәткәре Эдуард Антонов аерылып тордылар.  Шәһәр башлыгы урынбасары Сергей Максимов та көндәшләре капкасына ике матур гол кертеп, яхшы уен күрсәтте.  

Һәр командадагылар да ярыштан күтәренке рух алды.

фото спорт идарәсеннән