Спорт
Зәй чаңгычы кызлары уңышлар яулыйлар
24-28 гыйнварда Кирово-Чепецк шәһәрендә чаңгы узышлары буенча федераль округ чемпионаты үтте.
Әлеге ярышларда Татарстан җыелма командасы составында Зәйнең Федор Симашев исемендәге спорт мәктәбендә шөгыльләнүче Анастасия Утяганова һәм Алинә Вәлиуллина катнашып, уңышлы чыгыш ясадылар.
Командалар арасындагы эстафета ярышларында Анастасия белән Алинә катнашкан республика җыелма командасы икенче урын яулады. Ә 10 километр арага классик стильдә шәхси ярышларда Анастасия Утяганова өченче урын алды. Ә республика җыелма командасы гомумән беренче урын яулады.
Фото ТР чаңгы узышлары федерациясеннән.
Следите за самым важным и интересным в Telegram-каналеТатмедиа
Нет комментариев