Ринат Фәрдиев исемендәге ял паркында “Кышкы волейбол” ярышлары узды

Волейбол Зәйдә популяр спорт төре, әмма кышын ачык һавада беренче тапкыр үткәрелде. Ярышны физик культура, спорт һәм туризм идарәсенең әйдәп баручы белгече Валерий Смирнов волейбол сөючеләр ярдәмендә оештырды. Әлеге спорт чарасында “Мегаполис”, “Сәвәләй”, “МИТ” һәм “Гатауллин ШП ” командалары катнашты. Ярышларның нәтиҗәләре буенча, I урынны - “Мегаполис”, II урынны - “Сәвәләй”, III урынны - “МИТ” һәм IV урынны “Гатауллин Шәхси эшмәкәре ” командалары алды. Катнашучылар мәйданчыкны үз куллары белән чистарттылар һәм уеннан яхшы кәеф алдылар.

Фотолар спорт идарәсеннән