“Заиночки” ансамбле – “Безнең йорт – Татарстан” фестивале җиңүчеләре

4 ноябрьдә Казанда “Безнең йорт-Татарстан” этномәдәни фестиваленең гала–концерты булды. Татарстан Республикасы Мәдәният министрлыгы оештырган милли мәдәниятләр бәйрәме, төбәгебезнең бердәмлеген һәм күптөрлелеген күрсәтү өчен бөтен республикадан иҗат коллективларын җыйды. 

Дәрәҗәле конкурс лауреатлары арасында Зәйдән “Заиночки” хезмәт ветераннары хореография ансамбле дә бар. Зәйнең “Энергетик”  Мәдәният сараенда шөгыльләнүче коллектив “Хореография. Халык биюе" номинациясендә лауреат булды.  

Фестивальдә зәйлеләр жюри һәм тамашачылар хөкеменә матур һәм лирик «Казан вальсын» тәкъдим иттеләр, аларның чыгышы күңелгә ятышлы һәм истә калырлык булды. Бу уңыш артында күпьеллык хезмәт һәм сәнгатькә тугрылык тора. Ансамбль белән Татарстан Республикасының атказанган мәдәният хезмәткәре Лидия Нестягина җитәкчелек итә. Аның сизгер җитәкчелегендә ветераннар коллективы иҗади активлыгын саклап кына калмый, ә яңа биеклекләрне яулауны дәвам итә. Коллективның репетиторы – Ольга Скребкова.

Татарстан Республикасы мәдәният министры Ирада  Әюпова кулыннан лауреат дипломын алар зур горурлык белән кабул итте. 

“Заиночки”  ансамблен искиткеч җиңүләре белән котлыйбыз! Сезнең иҗатыгыз, энергиягез һәм халык биюенә мәхәббәтегез чын сәнгатькә яшьнең киртә түгеллеген исбатлый. Яңа иҗади казанышлар һәм илһам телибез.