Зәйнең шәһәр мәдәният йорты утыз сигезенче иҗат сезонын ачты

Микрорайонда яшәүчеләрне һәм кунакларны шәһәр мәдәният йортының һәвәскәрләр берләшмәләренең иҗади эшләре күргәзмәсе белән бизәлгән фойеда каршы алдылар.

Тамаша залы сәхнәсендә мәдәният йорты иҗат коллективлары репертуарыннан иң кызыклы, иң якты номерлар күрсәтелде. Вокал номерлары бию, театральләштерелгән миниатюралар, шигъри тәлгәшләр белән алышынды. Анда «Ивушка» халык җырларын башкаручылар вокаль ансамбле (җитәкчесе Александр Селиверстов), «Конфетти» хореография коллективы (җитәкчесе Любовь Мөбәрәкшина), «Калинушка» театраль төркеме (җитәкчесе Олеся Кучумова), «Радуга» вокаль студиясе (җитәкчесе Резидә Ченцова), «Дулкын” татар җырын яратучылар клубы солистлары (җитәкчесе Дмитрий Иванов), Фәннүр Миңнекаев , Наталья Седова, Фәймә Сизова чыгыш ясадылар. 

Шулай ук бу кичне барлык теләүчеләр һәвәскәр берләшмәләргә һәм клуб формированиеләренә язылу мөмкинлеге алдылар.