Зәйнең «Космос» кинотеатры Татарстанның иң яхшы муниципаль цифрлы кинотеатры дип танылды

21 гыйнварда Казанда Татарстанның киноучреждениеләренең 2025 елдагы эшчәнлегенә йомгак ясау буенча республика киңәшмәсе узды. Чара кысаларында узган елга нәтиҗәләр ясалды һәм тармакның иң яхшы учреждениеләре билгеләп үтелде.

Эшчәнлекне бәяләү нәтиҗәләре буенча «Космос» кинотеатры «Иң яхшы муниципаль цифрлы кинотеатр» номинациясендә дипломга лаек булды. Бу бүләк кинотеатрның югары дәрәҗәдәге эшен, күрсәтелгән хезмәтләрнең сыйфатын һәм актив үсешен тану булып тора.

«Безнең коллектив хезмәтебезне югары бәяләгән өчен «Татаркино» республика дәүләт учреждениесенә зур рәхмәт белдерә. Шулай ук кинотеатрның барлык хезмәткәрләренә профессионализмнары, җаваплылыклары һәм нәтиҗәле эшләре, мәдәни өлкәне үстерүгә даими ярдәм һәм игътибар өчен  район җитәкчелегенә аерым рәхмәт сүзләрен җиткерәсе килә. Алынган бүләк – коллективның уртак эше, тамашачыларның ярдәме һәм шәһәрнең мәдәни тормышын үстерүгә керткән өлешенең гомуми нәтиҗәсе», – ди Зәй  киноучреждениесе директоры Нина Столбова.