Зәйнең яшь музыкантлары республика конкурсында җиңү яуладылар

Республика конкурсына бөтен Татарстаннан иң яхшы инструменталь коллективлар җыелды. Зәй балалар музыка мәктәбендә тәрбияләнүчеләр берьюлы ике номинациядә уңышка ирештеләр.
«Кыллы инструментлар ансамбльләр» номинациясендә «Cantabile» ВИОЛОНЧЕЛЬЧЕЛӘР ансамбле II дәрәҗә лауреат булды, «Каприс» виолончельчеләр дуэты I дәрәҗә лауреат исемен алуга иреште.
Талантлы виолончельчеләрне укытучы Люция Кадырова әзерли. Сәхнәдә яшь артистларның югары осталыгын концертмейстерлар Татьяна Жигалова һәм Элина Гадиева тәэмин итте.
«Халык уен кораллары ансамбльләре» номинациясендә «Prima-дуэт» шулай ук иң югары бүләккә – I дәрәҗә лауреат исеменә лаек булды. Ансамбль укытучысы Елена Коклина һәм концертмейстер Елена Кускова бу җиңүгә зур өлеш керттеләр.