Зәйнең «Азаль» ансамбле Әлмәттә “Сандугач сайрар илем» фестиваленең гала-концертында чыгыш ясады

Чакырылган катнашучылар арасында Зәйдән “Азаль” халык вокаль-хореография ансамбле дә бар иде. Әлеге иҗат төркеме фестивальнең иң яхшы чыгыш ясаучыларының берсе буларак гала-концертта катнашты. Гомумән, ТР атказанган мәдәният хезмәткәре Әлфия Вәлиуллина җитәкчелегендәге “Азаль” һәм “Мирас” ансамбльләре һәр ел саен бу фестивальдә җиңүләр яулап килә, быел да алар зур уңышларга иреште. 

Гала-концертта сәхнәгә коллективның иң көчле тәрбияләнүчеләре чыкты, алар мәдәният байлыгын һәм иҗади дәртне чагылдырган номерлар күрсәттеләр. Мондый масштаблы чарада катнашу — Зәй артистларының югары дәрәҗәдәге осталыгын тагын бер кат тану булды.

фото:  җитәкчедән.