Зәйдә «Космос» киноучреждениесе «Пушкин картасы» буенча актив эшли

Киноучреждение хезмәткәрләре шәһәрдәге һәм Зәй муниципаль районының авыл җирлекләрендәге барлык мәктәпләр, шулай ук Зәй политехник колледжы белән уңышлы хезмәттәшлек итәләр.

Булачак мәдәни чаралар, киноучреждение эше турында мәгълүмат аның рәсми сайтында, ВКонтакте социаль челтәрендә һәм «PRO. Культура. РФ» Бөтенроссия порталында, шулай ук массакүләм мәгълүмат чаралары битләрендә урнаштырыла. 

«Пушкин картасы» программасы буенча фильмнар Зәй муниципаль районының шәһәр һәм авыл җирлекләрендә яшәүче яшүсмерләр һәм яшьләр өчен күрсәтелә. 2024 елның гыйнварыннан декабренә кадәр «Пушкин картасы» буенча 5 235 билет сатылган, 47 фильм күрсәтелгән («Воздух», «Битва пап», «Блиндаж», «Бременские музыканты», «Каждый мечтает о собаке», «Катя-Катя», «Командир», «Лед-3», «Любовь Советского Союза», «Огниво», «Онегин», «Сокровища партизанского леса», «Суворовец 1944», «Елки 11» һ.б.).