Зәйдә ”Гаилә тарихында гасырлар авазы” шәҗәрә бәйгесе узачак

Быел ул Татарстанда милли мәдәниятләр һәм гореф-гадәтләр елы кысаларында узачак.

Зәйдән бәйгедә Имәнлебаштан – Әхмәтҗановлар, Бура-Киртәдән – Сәгыйдуллиннар, Карманнан – Мөхәсимовлар, Гүлкиннән – Иньковлар, Иске Зәйдән Долговлар гаиләләре катнашыр дип көтелә.

Бу гаилә бәйрәме, безнең республиканы шәҗәрә төзүгә һәм гаилә кыйммәтләрен танытуга җәлеп итү максатыннан уздырыла. 27 февральдә бәйгенең муниципаль этабы үтәчәк.

Бәйгенең төбәк этабы да Зәйдә булачак, диләр.

Муниципаль  этап программасы милли ризыклар күргәзмәсе һәм шәҗәрә бәйгесе бүлекләреннән торачак. Финалга өч гаилә чыгачак. Аларга урыннар бирелә. Муниципаль этапта җиңү яулаган гаиләгә 10 мең сум бүләк каралган һәм ул гаилә Зәй данын төбәк этабында яклаячак.

Фото шәхси архивтан