Җырлый торган стена: Эркин Пулатов Зәйне ачык һавадагы галереяга әйләндерүен дәвам итә

Җирле рәссам Эркин Пулатов таланты ярдәмендә гадәти стена чын порталга әверелде. Анда Виктор Цой, Юрий Шатунов, Игорь Тальков, Владимир Высоцкий портретларын, шулай ук «Король и Шут» һәм «Сектор Газа» төркемнәре образларын күрергә мөмкин. Бу картиналар һәркемне таныш булган җырлары һәм яраткан хитлары чорына кайтара.

Әлеге картиналар шәһәрнең РУЭС гаражлары артында урын алган. Шулай ук гараж стеналарын башка темаларга да картиналар бизи. Авыл темасы бик ачык, төгәл чагыла: ат белән печән алып кайту, урак өсте картиналарын һәркем гаҗәпләнеп карый. Шунда ук Юрий Гагаринны — беренче космонавтны, космосны буйсындыру һәм күп буыннар өчен илһам символын сурәтләгән.

Эркин Пулатовның тарихы аеруча илһамландыра: ул кулына пумаланы 41 яшендә ала. Иҗатына Рус музеенда булу этәргеч була: анда күргән шедеврлар аңарда иҗат итү теләген уята. Бүген аның эше - рәсем ясау гына түгел, ә шәһәр мәдәниятенең бер өлеше, халыкны җәлеп итү урыны һәм горурлык өчен сәбәп.

Урам сәнгате шәһәрне үзгәртергә, аны танылырлык һәм тере итәргә сәләтле. Эркин Пулатовның эшләре Зәйгә үзенчәлекле характер өсти — чын-чынлап стильле, мәдәни мәгънәле итә. Эркинның һәр картинасы - шәһәр киңлегендә эмоцияләр бирүче һәм гадәти стеналарны һәм йортларның ишекләрен җанландыручы якты акцент. Рәссам традицион мотивларны заманча техника белән оста яраштыра, чын мәгънәсендә уникаль арт-объектлар тудыра.