Үткәннән киләчәккә: укучылар Зәй тарихының мөһим вакыйгалары белән таныша

Чарада 1нче мәктәпнең VII-IX сыйныф укучылары музей экспонатлары аша үткән заманны тоеп карарга уникаль мөмкинлек алдылар. Һәр экспонат, ул элекке эш коралымы яки фотографияме, тарихның бер кисәген саклый һәм узган еллар вакыйгаларын җанландырырга мөмкинлек бирә.

Чара вакытында укучылар Зәй тарихының мөһим вакыйгалары һәм алар белән бәйле музей экспонатлары турында белделәр. 

“Чараның максаты – укучыларның Ватанны саклаучыларга багышланган урамнарның топонимикасы турында белемнәрен киңәйтү, шәһәребездә урнашкан һәйкәлләргә, мемориаль такталарга һәм баннерларга игътибар юнәлтү”, - ди музей хезмәткәрләре.

Мәгълүмат сәгате барышында укучылар Бөек Ватан сугышы ветераннары – Михаил Голов, Михаил Никифоров, Советлар Союзы Герое  Григорий Ларионов,  интернационалист сугышчы Валентин Кухарев, махсус хәрби операциядә һәлак булган Василий Каплин, Алексей Агашкин, Сергей Чебнев  турында белделәр.

Чараның тарихи өлешенә Ольга Новожилованың "Тормыш чәчәкләре" күргәзмәсе зур ямь өстәде. Ул тормышның, хәтта иң авыр вакытларда да, матурлык һәм илһам аерылгысыз өлеше булуын күрсәтте.

Мондый очрашулар – үткәнебезгә  хөрмәт, туган ягың белән горурлану һәм, иң мөһиме, аның бай мирасын киләчәк буыннарга тапшыру.
 

Фотолар музейдан.