“Тукай эзләре буйлап”: Иске Зәйдә матур тамаша оештырылды

Әлеге чара шагыйрьнең иҗатын хөрмәтләү, яшь буынга әхлакый тәрбия бирү максатыннан оештырылды. Тамашачылар «Шүрәле», «Су анасы», «Кәҗә белән Сарык» һәм башка популяр әкиятләр дөньясына сәяхәт кылды.

Сәхнәдә үзешчән артистлар, театр түгәрәкләренә йөрүчеләр чыгыш ясады. Алар Тукай әсәрләренең төп фикерен — изгелек, хезмәт сөю, туган җиргә мәхәббәт рухын оста итеп җиткерде. Чыгышлар матур костюмнар, музыкаль номерлар белән бизәлгән иде.

-«Тукай эзләре буйлап» спектакле балалар өчен генә түгел, ә өлкәннәр өчен дә кызыклы булды. Залда утыручылар чыгышларны җылы алкышлар белән каршы алды. Чараны оештыручылар барлык катнашучыларга һәм тамашачыларга рәхмәт белдерә, - ди район мәдәният йортының сәнгать җитәкчесе Зинаида Владимирова.

Фотолар район мәдәният йортыннан.