Солдат йөрәген җылыткан көйләр: Зәйнең хәрби хәрәкәтләр ветераннары сугыш еллары җырларын башкардылар

Анда хәрби бурычын Әфганстан, Төньяк Кавказда үтәгән Сергей Ентальцев, Сергей Хрипунов, Сергей Хватков, Юрий Павлов һәм махсус хәрби операция  ветераннары Сергей Изосимов, Евгений Ильин һәм “Юл хәрәкәте иминлеге” дәүләт учреждениесенең Зәй бүлеге башлыгы Вадим Иванов чакырылган иде. 

Чарада катнашучылар үзенчәлекле сәяхәткә – бүген башкарылучы һәр җыр артында торган тарих дөньясына юл тоттылар.

Һәр аккорд, һәр шигъри юл артында гади көй һәм сүзләр генә яшерелмәгән иде. Болар – музыкага салынган тере хисләр: онытылмас мизгелләрне саклаучы хәтер һәм, әлбәттә, Ватанга мәхәббәт. Катнашучылар җырларны тыңлап кына калмадылар, аларда үз хисләренең чагылышын таптылар. Күкрәкләрен орденнар һәм медальләр бизәгән, авырлыклар һәм сынаулар аша үткән ир-атлар сугыш еллары җырларын - "Торналар", "Соңгы сугыш", "Караңгы төн", "Без китәбез", "Комбат", "Офицерлар", "Синева"ны үзләре дә кушылып башкардылар. 

 “Чарада яңгыраган һәр җыр – безнең уртак хәтеребезнең, тарихыбызның, җаныбызның бер өлеше. Алар безгә тыныч күкнең нинди бәягә яуланганын, бердәмлек көчен һәм һәрберебезнең йөрәгендә яшәүче Ватанга мәхәббәтне искә төшерәләр”, - ди музей хезмәткәре Фәридә Иноятова. 

Фотолар музейдан.