Сәхнәдә 50 ел: Лидия Нестягинаның юбилей кичәсе тулы зал җыйды

Тамаша залы тулы иде: легендар педагогны котларга хезмәттәшләре, дуслары, элекке һәм хәзерге шәкертләре, аларның әти-әниләре һәм, әлбәттә, бию сәнгатен яратучылар килгән иде. "Көчлеләр бердәмлеге" концерт программасы Лидия Ивановнаның һәм аның коллективларының күпкырлы талантының ачык чагылышы булды.

 Кичә "Жостовский букет" хореография композициясе белән ачылды, ул бәйрәмгә үзгә тон бирде. Аннан тамашачыларны юбиляр иҗатының бөтен палитрасын ачкан номерлар калейдоскобы көтте.

"Улыбка" балалар хореография ансамбле залны төрле постановкалар белән яулап алды. "Заиночки" хезмәт ветераннары ансамбле тагын бер тапкыр яшьнең иҗат һәм матурлыкка комачау итмәвен исбатлады. 

Кичәнең бизәге  "Магия" коллективы, "Азаль" ансамбле композицияләре, шулай ук Александра Шишмагаеваның "Идел елгасы" соло номеры булды. Мәдәният сараеның иҗат коллективлары чын мәгънәсендә бәйрәм атмосферасы тудырдылар.

"Гаилә" илкүләм проектының "Актив озын гомер" программасы кысаларында Лидия Ивановнада сызыклы биюләргә өйрәнгән зәйлеләрнең чыгышлары кичәгә аерым нота кертте. Аларның сәхнәгә чыгуы биюнең һәркемгә теләсә кайсы яшьтә дә мөмкин булуына, ә педагог таланты буыннарны берләштерә алуына ачык дәлил булды.

Сәхнәдә "Энергетик" Мәдәният сарае коллективы, Лидия Ивановнаның гаиләсе, төрле еллардагы тәрбияләнүчеләре һәм рәхмәтле ата-аналарның котлау сүзләре яңгырады. Һәр чыгыш, һәр сүз, 50  ел буе Зәй кешеләрен бию шатлыгы, җан җылысы һәм үзләренә ышаныч бүләк иткән кешегә булган чын мәхәббәт һәм рәхмәтлек белән тулы иде.

Юбилей кичәсе "Без бергә Россия" дип исемләнгән зур финал белән тәмамланды, ул сәхнәдә концертта катнашучыларның барысын да берләштерде.

Сәхнәдә 50 ел. Меңләгән тәрбияләнүче. Йөзләгән концерт. Һәм бер зур мәхәббәт – биюгә, балаларга, тормышка. 

Фотолар “Энергетик” Мәдәният сараеннан.