Казанда Зәй районы турында фильмның күптән көтелгән премьерасы булды

12 февральдә Казанның «Татарстан Республикасы Милли китапханәсе» дәүләт бюджет мәгариф учреждениесендә Зәй районы турында фильмның премьерасы узды. 

Зәйнең яшьләр эшләре идарәсе җитәкчесе Гүзәл Шәрәфиева идарә белгечләре белән бергә әлеге чарада катнашып, кече Ватаныбыз өчен зур горурлык хисе кичерделәр.

«Бу фильм — районның һәр яшь кешесе өчен үзенең кече Ватаны белән горулану өчен менә дигән мөмкинлек», — дип билгеләп үтте ТР яшьләр эшләре министры урынбасары Айгөл Сабирова фильм буенча фикер алышуда.

Зәйдә документаль фильмның премьерасы 24 февральгә планлаштырылган. Ул 2024 елның ноябрендә төшерелде. 

2024 елның 19-30 августында Татарстан Республикасы шәһәрләрендә «Синең чират» форумнары узды. Форумның төп вакыйгаларының берсе хакатон булды, анда муниципаль берәмлекләр вәкилләре үз районнары турында булачак кыска метражлы документаль фильмнар өчен сценарийлар эшләделәр. Алты сценарий сайлап алынып, алар буенча 2024 елның ноябрь-декабрь айларында республиканың Зәй, Апас, Баулы, Яшел Үзән, Яңа Чишмә һәм Тәтеш районнарында фильм төшерелде.

Алты фильмның һәркайсы — Татарстан Республикасының уникаль районына багышланган аерым тарих. 10-15 минутлык фильмда тамашачыга җирле мәдәниятләр, табигый байлыклар һәм традицияләрнең байлыгы һәм үзенчәлеге ачыла. Һәр фильм тамашачыны районның иң матур һәм әһәмиятле урыннары белән таныштырып, анда беренче кадрлардан ук тарих, кешеләр турында җанлы хикәя җәелдереләчәк.

Фотолар яшьләр эшләре идарәсеннән.