Якташыбыз Рухия Ахунҗанова – иҗади бәйге җиңүчесе

Кичә барышында «Илһам чишмәсе» VI төбәкара җыр конкурсы, «Илһам бирүче Илһам» республика эссе конкурсы, «Илһам нуры» яшь рәссамнар конкурсы һәм Илһам Шакиров җырлары мотивлары буенча анимацион роликлар конкурсы җиңүчеләре дә бүләкләнде.

Анда җиңүчеләр арасында якташыбыз, Имәнлебаш авылыннан булган язучы Рухия Ахунҗанованың булуы безнең өчен аеруча шатлыклы булды. Рухия ханым “Илһам бирүче Илһам” эссе бәйгесендә төп җиңүче булды. Җиңүче дипломын һәм акчалата бүләкне аңа Татарстанның һәм Башкортстанның халык артисты, Россиянең атказанган артисты  Салават Фәтхетдинов тантаналы төстә тапшырды. 

“Илһам Шакиров мирасын сакларга һәм арттырырга омтылучы һәркемгә чиксез  рәхмәт”, - диде аңа бүләкне биргәндә Салават Зәкиевич.

фото: Рухия Ахунҗановнадан